آرمی چیف قمرجاوید باجوہ کی سعودی ولی عہد سےملاقات

خطے کی صورتحال پر تبادلہ خیال

آرمی چیف جنرل قمر جاوید باجوہ نے سعودی ولی عہد محمد بن سلیمان سے ملاقات کی جس میں خطے کی صورتحال اور دیگر چیلنجز پر غور کیا گیا۔ 

پاک فوج کے شعبہ تعلقات عامہ آئی ایس پی آر کے مطابق آرمی چیف کی سعودی نائب وزیر دفاع شہزادہ خالد بن سلمان سے بھی ملاقات ہوئی،  ملاقات میں پاک سعودی عرب باہمی تعاون میں وسعت دینے پر تبادلہ خیال کیا گیا۔ اس موقع پر سعودی ولی عہد نے علاقائی امن و استحکام کےلیے پاکستان کی کاوشوں کی تعریف بھی کی۔

ملاقات کے دوران آرمی چیف جنرل قمر جاوید باجوہ نے کہا کہ پاکستان مملکت سعودی عرب کی خودمختاری اورجغرافیائی سالمیت کے تحفظ عزم کا اعادہ کرتاہے اور دونوں اقوام مسلم امہ کی بہتری، امن و استحکام کے لئے اپنا کردار ادا کرتی رہیں گی۔

سعودی وزیر دفاع شہزادہ خالد بن سلمان کا جنرل قمر جاوید باجوہ سے ملاقات کے موقع پر کہنا تھا کہ پاکستان کے آرمی چیف کے ساتھ ملاقات انتہائی شاندار رہی، جنرل قمرجاوید باجوہ میرے بھائی ہیں۔

متعلقہ خبریں