Entertainment

اداکارہ ہانیہ عامر نے معافی مانگ لی

ہانیہ عامر کا کہنا ہے کہ ان کی وجہ سے جانے انجانے میں اگر کسی کا دل دُکھا ہو تو وہ معذارت خواہ ہیں۔

ہانیہ عامر نے آج اپنی طویل پوسٹ میں اپنی وائرل ویڈیو کی حقیقت بتاتے ہوئے کہا کہ یہ میں آخری مرتبہ سب کے سامنے حقائق رکھ رہی ہوں، یہ کسی سے لفظی جنگ کی بحث نہیں، نہ ہی اصل بحث یہ ہے کہ کسی سابقہ بوائے فرینڈ سے بحث کو طُول دی جائے۔‘

اداکارہ نے لکھا کہ میری تمام تر شکایت انٹرنیٹ پر ہراساں کیے جانے کی ہے، کسی بھی عورت کو یوں ہراساں کرنا کسی معاشرے میں قابلِ قبول نہیں ہے، یہ بطور انسان ہماری ذمہ داری ہے کہ ہم آنے والی نسلوں کیلئے راہیں ہموار کرتے ہیں ، اس میں کچھ ایسا نہ جائے جس پر بعد میں انہیں شرمندگی ہو۔

ہانیہ عامر نے لکھا کہ میں اپنی غلطی تسلیم کرنے میں کبھی پیچھے نہیں ہٹوں گی اور روزانہ بہتر سے بہتر انسان بننے کی کوشش کروں گی، معافی مانگنے کا مطلب کسی کو نیچا دکھانا نہیں ہوتا اسی وجہ سے مجھے ایسا لگتا ہے کہ مجھے بھی معافی مانگنی چاہیے۔

اداکارہ نے لکھا کہ اگر میں نے کسی کا بھی جانے انجانے میں دل دکھایا ہے تو میں معذرت خواہ ہوں، براہِ کرم آپ بھی واضح پیغامات شیئر کریں، آپ کے ریمارکس کسی کی شخصیت کو بری طرح متاثر کرسکتے ہیں۔

واضح رہے کہ5 جون کو ہانیہ عامر کی عاشر وجاہت کے ساتھ ویڈیو وائرل ہونے کے بعد سوشل میڈیا پر جہاں انہیں تنقید کا نشانہ بنایا گیا۔

ہانیہ عامر اورعاشروجاہت کی’نامناسب ویڈیو’ پر شدید تنقید

ویڈیو وائرل ہونے کے بعد خود پر ہونے والی تنقید پر ہانیہ عامر نے 5 اور 6 جون کو انسٹاگرام پر مختلف پوسٹس میں دکھ کا اظہار کیا تھا۔

عاصم اظہر نے 5 جون کو ہی ٹوئٹ میں انوپم کھیر کی جف تصویر شیئر کی، جس میں لکھا تھا کہ ’بال بال بچ گئے‘ اور ساتھ ہی انہوں نے کیپشن میں شکرانے بھی ادا کیے۔

بعد ازاں ہانیہ عامر نے کسی کا نام لیے بغیر ٹوئٹ کرتے ہوئے کہا کہ یا تو آپ مشہورسلیبرٹی ہوسکتے ہیں یا پھر ایک تلخ سابق دوست۔

ہانیہ عامر کی جانب سے کی گئی ٹوئٹ کے بعد عاصم اظہر نے وضاحتی پوسٹ کی اور لکھا کہ دراصل ان کی مبہم پوسٹ اس شخص کے لیے نہیں تھی، جنہیں تکلیف پہنچی۔

عاصم اظہر نے اپنی طویل وضاحتی پوسٹ میں لکھا کہ انہوں نے ڈیڑھ سال میں پہلی بار ایک پوسٹ کی ہے تو لوگوں کو تکلیف ہوئی ہے جب کہ گزشتہ ڈیڑھ سال سے ان کے حوالے سے سوشل میڈیا پر طرح طرح کی باتیں کی گئیں اور انہیں تعلقات کے نام پر تنقید کا نشانہ بنایا گیا۔

متعلقہ خبریں