فوٹو: سماء ڈیجیٹل، فیسبک
اسرائیل کی تاریخ میں پہلی بار اتحاد سے تشکیل پانے والی حکومت 9 خواتین وزراء کو شامل کرلیا گیا۔
العربیہ کی رپورٹ کے مطابق اسرائیل کی تاریخ میں کسی بھی کابینہ میں پہلی بار 9 خواتین وزراء کو شامل کیا گیا، خواتین وزراء کے بارے میں تفصیلات جانیں تو یہ بات سامنے آئی کہ ان میں 5 خواتین عرب نژاد ہیں جن میں 3 کا تعلق عراق جبکہ 2 خواتین مراکش سے تعلق رکھتی ہیں۔
اورنا باربیوائی
مذکورہ عرب نژاد خواتین میں 58 سالہ وزیر اقتصادیات اورنا باربیوائی شامل ہیں، جو اسرائیلی فوج میں پہلی خاتون ہیں جنہوں نے میجر جنرل کے عہدے تک ترقی پائی۔
اورنا کی والدہ نے عراق سے اور والد نے رومانیا سے اسرائیل ہجرت کی تھی۔ وائٹ اینڈ بلیو پارٹی سے تعلق رکھنے والی اورنا 2019ء سے رکن پارلیمنٹ ہیں۔ انہوں نے سماجیات میں گریجویشن اور بزنس ایڈمنسٹریشن میں ماسٹرز کیا۔
ایلت شیکد
اسی طرح عراقی نژاد خواتین وزراء میں 45 سالہ ایلت شیکد بھی ہیں۔ نئی حکومت میں وزیر داخلہ کے منصب پر فائز ہونے والی ایلت کے والد گزشتہ صدی میں 1950ء کی دہائی میں عراق سے ایران کے راستے اسرائیل ہجرت کرگئے تھے۔ ایلت نے الیکٹرک انجینئرنگ میں بیلچرز مکمل کیا اور پھر کمپیوٹر سائنس کی تعلیم حاصل کی۔ وہ اسرائیلی فوج میں بھی خدمت انجام دے چکی ہیں۔
یفعات ساشہ
نئی حکومت میں وزیر تعلیم کا عہدہ 48 سالہ یفعات ساشہ بیٹون کے پاس ہے۔ یفعات ساشہ کی والدہ مراکش میں نرس کے پیشے سے وابستہ تھیں جب کہ والد کا تعلق عراق سے ہے۔ اسرائیلی ہجرت سے قبل وہ ٹرانسپورٹ کے کاروبار سے وابستہ تھے۔
میری کوہن
نئی حکومت میں سماجی مساوات کا قلم دان 38 سالہ میری کوہن سنبھالیں گی۔ ان کے والدین کا تعلق مراکش سے تھا۔ میری کوہن نے اکنامکس اور بزنس ایڈمنسٹریشن میں ماسٹرز کیا۔
کیرین الہرار
کیرین الہرار- ہرسٹین کا تعلق بھی مراکش کے ایک گھرانے سے ہے جو گذشتہ صدی میں 1950ء کی دہائی میں اسرائیل منتقل ہو گیا۔ کیرین نے قانون میں ماسٹرز کی ڈگری حاصل کی۔ وہ نئی حکومت میں وزیر توانائی کے طور پر کام کریں گی۔
پینا تامانو
اسرائیلی حکومت میں وزارت ہجرت کا قلم دان 40سالہ پینا تامانو کو دیا گیا ہے۔ وہ ایتھوپیا میں پیدا ہوئیں اور پھر 3 سال کی عمر میں اپنے والدین اور بہن بھائیوں کے ساتھ اسرائیل ہجرت کرگئیں۔ وہ قانون کے تعلیمی ادارے سے فارغ التحصیل ہیں۔ وہ پہلی ایتھوپین نژاد ہیں جنہوں نے اسرائیلی پارلیمنٹ میں نشست جیتی۔ ان کا تعلق بلیو اینڈ وائٹ پارٹی سے ہے۔
میرو مائیکل
نئی کابینہ میں ہمیں 54 سالہ میرو مائیکل ریڈیو اور ٹی وی پیش کار اور صحافتی بھی ہیں۔ اسرائیل میں مشہور شخصیت رکھنے والی میرو “ورک پارٹی” کی سربراہ ہیں۔ ان کے خاندان کا تعلق ہنگری سے ہے۔ میراؤ کے پاس ٹرانسپورٹ کی وزارت ہے۔
تمار زینڈبرگ
ماحولیات کے تحفظ کی 44 سالہ تمار زینڈبرگ اسرائیلی خاتون وزیر پارلیمنٹ میں “ميرٹس پارٹی” کی رکن ہیں۔ وہ اسرائیل کے سابق فٹبالر مائیکل زینڈبرگ کی بہن ہیں۔
اورٹ فراکش
اسرائیلی حکومت میں خواتین وزراء میں آخری نام 50 سالہ اورٹ فراکش کا ہے۔ وہ وزارت سائنس و تخلیق کا قلم دان سنبھالیں گی۔ اوریت گزشتہ حکومت میں سیاحت کی وزیر کے منصب پر کام کررہی تھیں۔ ان کا تعلق “بلیو اینڈ وائٹ” پارٹی سے ہے۔
متعلقہ خبریں