اسلام آباد: ڈاکوؤں نے آئی جی کا پڑوس بھی نہ چھوڑا

سامنے والے بنگلے کا صفایا کرگئے

Your browser does not support the video tag.

اسلام آباد میں ڈاکوؤں نے آئی جی پولیس کا پڑوس بھی نہ چھوڑا، قریبی بنگلے کے اہل خانہ کو یرغمال بناکر گھر کا صفایا کرکے چلے گئے۔

پولیس کے مطابق سیکٹر ایف سیون میں آئی جی اسلام آباد قاضی جمیل الرحمان کی رہائش گاہ کے سامنے والے گھرمیں ڈکیتی ہوئی جس کے دوران ڈاکوؤں نے اہل خانہ کو یرغمال بنا کر35 لاکھ روپے اورزیورات لوٹ لیے۔

گاڑی میں سوار 4 ڈاکو آئے تھے اور اسلحہ کے زور پر گھر والوں کو یرغمال بنا لیا۔ واردات کے بعد ڈاکو بآسانی سے فرار ہوگئے۔

اسلام آباد کی پولیس اپنے ہی چیف کے گھر کے عین سامنے بھی واردات نہ روک سکی  ۔تھانہ کوہسار میں درخواست کے باوجود  پولیس ملزمان کا کوئی سراغ لگانے میں ناکام ہے۔

متاثرہ خاندان کہتا ہے سیف سٹی بھی اب تو غیر محفوظ ہو چکا۔ گھر کے مالک ذبیح اللہ نے سماء کو بتایا کہ ڈاکو جو گھر پر چیزیں تھیں وہ لے گئے ہیں۔ انہوں نے بتایا کہ  ڈاکوؤں نے لیپ ٹاپ، فون ، کیش اور زیوارت وغیرہ کچھ نہ چھوڑا۔

ذبیح اللہ نے کہا کہ وہ 25 برس سال اس گھر میں رہ رہے ہیں جبکہ سامنے ہی آئی جی کا بنگلہ ہے، انہیں توقع تو یہ تھی کہ فوراً ہی کارروائی ہوجاتی اور ڈاکو گرفتار ہوجاتے لیکن ایسا نہ ہوسکا۔

واضح رہے کہ گزشتہ 15 روز میں اسلام آباد میں ڈکیتی و رہزنی کی 25 وارداتیں ہوچکی ہیں۔ شہر اقتدار سے اس دوران 29 گاڑیاں اور 20 موٹرسائیکلیں بھی چوری  ہوئیں۔

تازہ ترین

متحدہ عرب امارات کا جنوری سے نئے قوانین نافذ کرنے کا اعلان
سندھ حکومت کو دھچکا،4ڈی آئی جیز نےوفاق کےحکم پرجوائننگ دیدی
اسلام آباد: ڈاکوؤں نے آئی جی کا پڑوس بھی نہ چھوڑا
فیصل آباد:خاتون شوہرکےشک،بھائی کی گولی کاشکارہوگئی