امریکا: سابق رہنما ایم کیوایم ندیم نصرت پرقاتلانہ حملہ

فوٹو: ٹوئٹر

امریکا میں مقیم متحدہ قومی مومنٹ (ایم کیو ایم) کے سابق رہنما ندیم نصرت کی کار پر فائرنگ کی گئی ہے۔

سماجی رابطے کی سائٹ ٹوئٹر پر ایم کیو ایم رہنما واسع جلیل نے سماء ڈیجیٹل کو تصدیق کرتے ہوئے کہا کہ ندیم نصرت کی گاڑی پر ہیوسٹن میں دوپہر کے وقت فائرنگ کی کئی جس میں تاہم وہ محفوظ رہے۔

رہنماء ایم کیو ایم واسع جلیل نے بتایا کہ ندیم نصرت ہیوسٹن میں ہی مقیم ہیں تاہم انکا فون بند ہے۔

ابتدائی اطلاعات کے مطابق ندیم نصرت ہیوسٹن میں تقریب میں شرکت کے بعد گھر جارہے تھے کہ نامعلوم ملزمان نے فائرنگ کردی۔

واقعہ کی اطلاع ملتے ہی پولیس موقع پر پہنچ گئی جبکہ فائرنگ کے واقعہ کی تحقیقات کا آغاز کردیا گیا ہے۔

واضح رہے کہ ہیوسٹن میں وائس آف کراچی کے نام سے ایک پروگرام منتعقد کیاگیا تھا جس میں چیئرمین ندیم نصرت نے پاکستانی کمیونٹی سے خطاب کیا جو ایک گھنٹے تک جاری رہا۔

متعلقہ خبریں