اندرون شہرقربانی کےجانوروں کی خریدوفروخت پرپابندی لگا دی گئی

منڈی میںصرف 1400 سے1700 جانور رکھنے کی اجازت

این سی او سی کی جانب سے جاری اعلان میں اندرون شہر قربانی کے جانوروں کی خریدو فرخت پر پابندی لگا دی گئی ہے۔ فیصلہ کرونا وائرس کے پھیلاؤ کو روکنے کیلئے کیا گیا ہے۔

نیشنل کمانڈ اینڈ آپریشن سینٹر( این سی او سی) کی جانب سے جاری بیان کے مطابق تمام صوبوں کو عیدالاضحیٰ کیلئے خصوصی اقدامات کی ہدایات جاری کی گئی ہیں۔

انتظامیہ کو مویشی منڈیاں شہروں سے باہر لگانے کی ہدایت کی گئی ہے۔ تمام عملے اور تاجروں کو کرونا ویکسین لگانا لازم قرار دیا گیا ہے۔ شہری انتظامیہ کو منڈیوں میں داخلے کے موقع پر ہینڈ سینیٹائزر، ماسک اور ریپڈ ٹیسٹ کی سہولیات میسر کرنے کی تاکید کی ہے۔

این سی او سی کے مطابق عید سے دو ہفتے قبل مویشی منڈیوں لگانے کی اجازت دی جائے گی۔ منڈی میں 1400 سے 1700 جانور رکھنے کی اجازت ہے۔ جب کہ منڈی آنے کیلئے وقت صبح 7 سے رات 7 بجے مقرر کیا گیا ہے۔

داخلی راستوں پر ہر فرد کا درجہ حرارت چیک کیا جائے گا۔ سماجی فاصلہ رکھنا اور ماسک پہننا لازمی ہوگا۔ تمام اسٹاف اور بیوپاریوں کی ویکسی نیشن بھی ضروری قرار دے گئی۔

منڈی میں ایمرجنسی سروسز مہیا کرنے کے ساتھ جانوروں کے ڈاکٹر کی موجودگی بھی لازمی قرار دی گئی ہے۔ جانوروں کو چھو کر چیک کرنے پر پابندی ہوگی۔ انتظامیہ کو انٹری پوائنٹس پر ہینڈ سینیٹائزر، ماسک اور ریپڈ اینٹیجن ٹیسٹ کی سہولیات میسر کرنے کی تاکید کی گئی ہے۔ مویشی منڈی میں ڈس انفیکشن سپرے بھی باقاعدگی سے کرنا ہوگا۔

متعلقہ خبریں