اواور اےلیول کےطلباء مساوی سرٹیفکیٹ آن لائن حاصل کرسکتے ہیں

IBCC

فوٹو: ٹویٹر

وفاقی وزارت تعلیم نے اعلان کیا ہے کہ ملک بھر میں او اور اے لیول کے طلباء کو ان کے مساوی سرٹیفکیٹ آن لائن مل سکتے ہیں۔

یہ فیصلہ وفاقی وزیر تعلیم شفقت محمود کے احکامات کے بعد کیا گیا ہے۔ وزارت نے اپنی ایک ٹویٹ میں بتایا کہ درخواست جمع کرانے، فیس کی ادائیگی، تصدیق اور سرٹیفکیٹ کے اجراء کو عید کے بعد 100 فیصد آن لائن منتقل کردیا جائے گا۔

طلباء کو بینک، کورئیر سروس یا یہاں تک کہ انٹرمیڈیٹ بورڈ کمیٹی آف چیئرمین نہیں جانا پڑے گا۔

واضح رہے کہ اے اور او لیول کے طلباء کو پاکستان بھر کی یونیورسٹیوں میں داخلہ لینے کے لیے مساوی سرٹیفکیٹ کی ضرورت ہے۔ دستاویزات کے جلد اجراء سے طلباء کو میڈیکل اور پروفیشنل کالجوں میں درخواست دینے میں مدد ملے گی۔

متعلقہ خبریں