آئی پی ایل2021: کروناوائرس کےباعث ملتوی

فوٹو: کرک انفو

بھارت میں کرونا وائرس کی خطرناک صورتحال کےباعث انڈین پریمئیر لیگ (آئی پی ایل) ملتوی کردی گئی۔

گزشتہ روز آئی پی ایل کی معروف فرنچائز کولکتہ نائٹ رائیڈرز کی ٹیم کےکھلاڑی اور آفیشلز کروناوائرس ٹیسٹ مثبت آیا تھا جس کے بعد دونوں کو آئسولیٹ کردیا گیا ہےجبکہ ٹیم کے دیگر اراکین کے کورونا ٹیسٹ منفی آئے تھے۔

کرونا کیسز کے سامنے آنےکے ساتھ ہی آئی پی ایل میں شیڈول کولکتہ نائٹ رائیڈرز اور رائل چیلنجر بنگلور کے درمیان میچ ری شیڈول کردیا گیا تھا۔

اس سےقبل گزشتہ ہفتے انڈین پریمیئر لیگ میں کچھ کھلاڑیوں کا کرونا ٹیسٹ مثبت آیا تھا جس کےبعد کھلاڑی خوف میں مبتلا تھے۔ لیگ کے آغاز سے قبل تمام 8 ٹیموں کےلیے بائیوسیکور ببل بنایا تھا۔

قبل ازیں گزشتہ دنوں ایڈم زمپا اور کین رچرڈسن پابندیوں کے اعلان سے پہلے اپنے انتظامات کرکے کمرشل فلائٹ کے ذریعے لوٹ چکےہیں جبکہ حکومت نے 15مئی تک بھارت سے آنےوالی تمام فلائٹس پرپابندی عائد کررکھی ہے اور ساتھ 5سال جیل کا بھی عندیہ دیا ہے۔

یاد رہے کہ بھارت میں کرونا کیسز کی تعداد 2کروڑ سے تجاوز کرچکی ہے، بھارت میں گزشتہ دو ہفتوں کے دوران یومیہ 3لاکھ سےزائد کیسز رپورٹ ہورہے ہیں۔