ایم کیوایم کے سابق رکن سندھ اسمبلی کا قاتل گرفتار

Sajid-Qureshi

ایم کیوایم کے رکن اسمبلی ساجد قریشی کی فوٹو

ایم کیو ایم کے سابق رکن سندھ اسمبلی ساجد قریشی کے قاتل کو سی ٹی ڈی نے کراچی کے علاقے لیاری سے گرفتار کرلیا۔

ترجمان سی ٹی ڈی کے مطابق ملزم عبیدالرحمان نے ایم کیو ایم کے ساجد قریشی سمیت 6 افراد کی ٹارگٹ کلنگ کا اعتراف کیا ہے۔

ملزم فرقہ وارانہ دہشت گردی کی وارداتوں میں بھی ملوث ہے۔ ملزم جیل میں قید اور رہا ہونے والے دہشت گردوں سے رابطے میں تھا۔ ملزم کا تعلق کالعدم لشکر جھنگوی سے ہے۔

واضح رہے کہ 2013 میں نامعلوم افراد نے مسجد کے باہر فائرنگ کرکے ساجد قریشی، انکے بیٹے اور ایک راہگیر کو قتل کر دیا تھا۔

کالعدم تحریک طالبان پاکستان نے واقعے کی ذمہ داری قبول کی تھی۔