بلاول بھٹو آج چارسدہ کا دورہ کریں گے

فائل فوٹو

پاکستان پیپلزپارٹی کے چیئرمین بلاول بھٹو زرداری آج خیبر پختونخوا جائیں گے۔

پاکستان پیپلز پارٹی کے چیئرمین بلاول بھٹو آج بروز اتوار 30 مئی کو چارسدہ کا دورہ کریں گے، جہاں ان کی ملاقات عوامی نیشنل پارٹی (اے این پی) کی قیادت سے ہوگی۔

ملاقات کے بعد دونوں جماعتوں کے قائدین مشترکہ پریس کانفرنس بھی کریں گے۔ پاکستان ڈیموکریٹک موومنٹ (پی ڈی ایم) اجلاس کے بعد پاکستان پیپلزپارٹی اور اے این پی کے درمیان ملاقات کے بعد اہم اعلانات بھی متوقع ہیں۔

واضح رہے کہ اپوزیشن اتحاد پی ڈی ایم کے سربراہ مولانا فضل الرحمان نے پیپلز پارٹی اور عوامی نیشنل پارٹی کی اتحاد میں واپسی کے حوالے سے حتمی جواب دیتے ہوئے کہا ہے کہ اپوزیشن اتحاد میں پی پی اور اے این پی کی واپسی ایسا موضوع نہیں کہ اس پر بحث کے لیے وقت نکالا جائے۔

متعلقہ خبریں