Entertainment

تنقیدکرنے والے’تبلیغی صفحات’ پرواپس جائیں، ارمینا رانا

تصویر: ارمینارانا/انسٹاگرام

اداکارہ ارمینا رانا خان نے سوشل میڈیا پرخود پرتنقید کرنے والوں کومشورہ دیا ہے کہ اگر وہ ان کی پسند سے نالاں ہیں تو فالو کرنا چھوڑ دیں۔

ارمینا نے سماجی رابطوں کی سائٹ ٹوئٹرپرناراضگی کا اظہار کرتے ہوئے لکھا ” مجھے سمجھ نہیں آتی کہ قوم پرست، دائیں بازو والے اور مذہبی جنونی مجھے لیکچرکیوں دیتے ہیں، میں آخری بار واضح کررہی ہوں کہ میں آپ کی نمائندگی نہیں کرتی۔ یہ میرا ذاتی معاملہ ہے ”۔

اداکارہ نے واضح کیا کہ وہ پاکستان کیلئے وہ سب کچھ کریں گی جو ان کے خیال میں کرنا چاہیے، لیکن یہ برداشت نہیں کریں گی کہ لوگ ان پر اپنے خیالات مسلط کریں۔ ان کا یہ سفرصرف اور صرف خیر خواہوں اور مداحوں کے لئے ہے۔

اب ایک ہفتہ بعد اداکارہ نے اپنی ٹانگ پربنے ٹیٹو سے متعلق کیے جانے والے تبصرے کا جواب اس تصویرکے ذریعے دیتے ہوئے کہا ہے کہ ٹیٹوز کے بعد اب کھوپڑی بنواوں گی۔

ایک اور ٹویٹ میں ارمینا نے خود پر تنقید کرنے والوں کو اپنے ” تبلیغی صفحات ” پرواپس جانے کی ہدایت کرتے فالوورز سے درخواست کی کہ وہ خواتین کو ہراساں کرنے والوں کو سوشل میڈیا پر رپورٹ کریں۔

ارمینا رانا خان کی پیدائش و شہریت برطانیہ کی ہی ہے تاہم وہ شوبز پراجیکٹس کے سلسلے میں پاکستان آتی جاتی رہتی ہیں۔

اداکارہ ذہنی صحت اور جانوروں کے ساتھ رواں سلوک کے علاوہ مختلف قسم کے عوامی اور سماجی مسائل کے خلاف آواز بلندکرتی رہتی ہیں، چند روز قبل بھی انہوں نے اسرائیلی مظالم کے نتیجے میں شہید بچوں کی یاد میں مانچسٹر میں ہونے والی شمعیں روش کرنے کی تقریب میں شرکت کی تھی۔

متعلقہ خبریں