فائل فوٹو
وزیراعظم عمران خان نے جی ایس پی پلس اسٹیٹس معاملے پر اہم اجلاس آج بروز پیر 3 مئی کو طلب کرلیا ہے۔
اجلاس میں یورپی پارلیمنٹ کی پاکستان کو جی ایس پی پلس اسٹیٹس پر نظرثانی کی قرارداد پر غور ہو گا، جب کہ یورپی پارلیمنٹ کی پاکستان سے متعلق قرارداد کی روشنی میں اہم فیصلے متوقع ہیں۔
وزیر خارجہ، مشیر تجارت، وزیر مذہبی امور، وزیر داخلہ اور دیگر حکام اجلاس میں شریک ہوں گے۔
واضح رہے کہ گزشتہ دنوں یورپی پارلیمنٹ نے پاکستان کے خلاف قرارداد بھاری اکثریت سے منظور کی تھی۔
یورپی پارلیمنٹ میں 6 کے مقابلے میں 681 ارکان نے قرارداد کی حمایت کی تھی، جب کہ قرارداد میں پاکستان کیلئے جی ایس پی پلس پر نظر ثانی کرنے اور اقلیتوں سے متعلق امتیازی قوانین کے خاتمے کا مطالبہ کیا گیا تھا۔
متعلقہ خبریں