Entertainment

سلمان خان اب ‘کارٹون نیٹ ورک ‘ پر

فائل فوٹو

سلمان خان کی فلم ” دبنگ” کا کردارانسپکٹرچُلبل پانڈے ایک بار پھرمداحوں کو محظوظ کرنے آرہا ہے لیکن اس باریہ کارٹون چینل پرنظرآئے گا۔

اداکارکی سال 2010 میں ریلیزہونے والی سپر ہٹ بالی ووڈ فلم کا اینی میٹڈ ورژن کارٹون نیٹ ورک اور ڈزنی پلس پردکھایا جارہا ہے۔

سماجی رابطوں کی سائٹ ٹوئٹرپر سیریز کا پرومو شیئرکرتے ہوئے سلمان خان نے بتایا ” بھیا جی مسکرائیں، آ گئے ہیں ‘چُلبل پانڈے’ اپنے اینی میٹڈ اندازمیں، ” دبنگ – دی اینیمیٹڈ سیریز” 31 مئی سے ہرروز12 بجے ، کارٹون نیٹ ورک پر”۔

ایک اور ٹویٹ میں اداکار نے لکھا ” بچپن سے یاد آیا، سواگت نہیں کرو گے ہمارا؟ چُلبل پانڈے لینڈ ہورہے ہیں ڈزنی پلس ایچ ایس وی آئی پی پر”۔

دبنگ خان نے اپنی اس مقبول ترین فلم کا حوالہ دیتے ہوئے مزید لکھا ” وہی ایکشن، وہی مستی، لیکن ایک نئے اندازمیں، سواگت توکرو”۔

فلم دبنگ نے بھارت سمیت دنیا بھرمیں خوب کمائی کی تھی جس کے بعد فلم کے 2 سیکوئل بنائے گئے۔ فلم کی کہانی ایک چھوٹے سے گاؤں کے پولیس انسپکٹرچُلبل پانڈے کے اردگرد گھومتی ہے جس کا کردار سلمان خان نے ایسا نبھایا کہ آج تک شائقین فراموش نہیں کرسکے۔

تینوں فلموں میں سلمان خان کے مقابل مرکزی کردار اداکارہ سوناکشی سنہا نے ادا کیا جبکہ دیگرکرداروں میں ونود کھنہ، سونوسود ، ارباز خان اور ڈمپل کپاڈیہ شامل تھے۔

متعلقہ خبریں