سینیٹ الیکشن میں حکومت کو ٹف ٹائم دینگے، بلاول بھٹوزرداری

چیئرمین پاکستان پیپلزپارٹی بلاول بھٹو زرداری کا کہنا ہے کہ ضمنی انتخاب میں حکومت کو بری طرح شکست ہوئی ہے، سینیٹ الیکشن میں مل کر حکومت کو ٹف ٹائم دیں گے، ہم جمہوری طریقے سے مقابلہ کرسکتے ہیں۔

لاہور میں پریس کانفرنس کرتے ہوئے چیئرمین پی پی پی بلاول بھٹو زرداری نے کہا کہ پاکستان ڈیموکریٹک موومنٹ نے یوسف رضا گیلانی کو سینیٹ الیکشن میں مشترکہ امیدوار نامزد کیا ہے، وہ اسلام آباد سے سینیٹ الیکشن لڑیں گے، پی ڈی ایم نے مل کر حکومت کو ٹف ٹائم دینے کا فیصلہ کیا ہے۔

ان کا کہنا تھا کہ ملک کے ہر کونے میں ضمنی الیکشن ہوئے، ڈسکہ کے ضمنی الیکشن میں دھاندلی کرنے والوں کو ایکسپوز کیا، حکومت نے دھاندلی کی کوشش کی، پی ڈی ایم نے ضمنی اور سینیٹ انتخابات میں حصہ لینے کا فیصلہ کیا تھا۔

بلاول نے حکومت پر تنقید کرتے ہوئے مزید کہا کہ ہم جمہوری طریقے سے مقابلہ کرسکتے ہیں، ہم جہاز کے ساتھ دوسرے طریقے سے مقابلہ شاید نہ کرسکیں۔

متعلقہ خبریں