لاہور:سلنڈر دھماکے،ایک شخص زخمی،10گاڑیاں تباہ

دھماک ایل پی جی فلنگ کے دوران ہوا

لاہور میں سلنڈر کی دکان میں آگ لگنے سے ہونے والے دھماکوں کے باعث علاقہ لرز اٹھا اور ایک شخص زخمی ہونے کے علاوہ 10 گاڑیاں بھی جل کر مکمل تباہ ہوگئیں۔

ریسکیو حکام کے مطابق دھماکہ گارڈن ٹاؤن برکت مارکيٹ ميں واقع سلنڈرکی ایک دکان ميں ایل پی جی کی فلنگ کے دوران ہوا جس کے بعد وقفے وقفے سے سلنڈر پھٹتے رہے۔ سلنڈرز پھٹنے سے آگ بھی بھڑک اٹھی جس نے ملحقہ تین دکانوں کو بھی لپیٹ میں لے لیا۔حادثے کے نتیجے میں ایک 50 سالہ شخص جھلس گیا جبکہ قریبی ورکشاپ میں کھڑی 10 گاڑیاں بھی جل کر تباہ ہوئیں۔امدادی ٹیموں نے 2 گھنٹوں کی کوششوں کے بعد آگ پر قابو پایا۔ ریسکیو حکام کا کہنا ہے کہ کولنگ کا عمل مکمل ہونے تک اہلکار جائے حادثہ پر تعینات رہیں گے۔

متعلقہ خبریں