ماضی کی مقبول اداکارہ سلطانہ ظفر انتقال کرگئیں

پاکستان کی لیجنڈ اداکارہ سلطانہ ظفر 66 برس کی عمر میں امریکا میں انتقال کرگئی ہیں۔

سلطانہ ظفر نے تنہائیاں، عروسہ ، آخری چٹان ، سیریل حق مہر، روبرو، ضد، وہ دوبارہ جیسے مشہور زمانہ ڈاموں میں اپنی اداکاری کے جوہر دکھائے۔

سلطانہ ظفر شوبز سے کنارہ کشی اختیار کرنے کے بعد امریکی ریاست ٹیکساس کے شہر ڈیلاس میں ’ارملا اسٹوڈیوز‘ نام کی بوتیک چلاتی تھیں۔

پاکستان نیشنل کونسل آف آرٹس (پی این سی اے) کی جانب سے سلطانہ ظفر کے انتقال کی تصدیق کی گئی۔

دوسری جانب ڈرامہ سیریل ’عروسہ‘ میں ان کے ساتھ کام کرنے والی شمع جنیجو نے اپنے ٹوئٹ میں سابقہ اداکارہ کے انتقال پر افسوس کا اظہار کرتے ہوئے کہا کہ سُلطانہ آنٹی نے میرے ساتھ عُروسہ میں کام کیا تھا، اور میری شادی پر بھی آئی تھیں، اُن کے ساتھ بہت ساری خوشگوار یادیں ہیں، اللّہ اُن کی مغفرت فرمائے اور درجات بلند کرے۔

متعلقہ خبریں