Entertainment

ماہرہ خان کی ’اپنی دنیا‘کی یاد تازہ ہوگئی

پاکستانی اداکارہ ماہرہ خان کی سال 2017 میں ریلیز ہونے والی فلم رئیس کی یادیں تازہ ہوگئیں۔

ٹوئٹر پر ایک صارف نے ماہرہ اور شاہ رخ کی فلم رئیس کا ایک ویڈیو کلپ شیئر کیا، جسے ماہرہ نے ری ٹوئٹ کرتے ہوئے اپنی پسندیدگی کا اظہار کیا ۔

اس ٹوئٹ پر تبصرہ کرتے ہوئے بی بی سی کے رپورٹر ہارون راشد نے لکھا کہ یہ جادوئی کیمسٹری تھی ۔

جس کے جواب میں ماہرہ نے لکھا کہ ہمیں اس فلم کے گانے ظالمہ پر ڈانس کرنا چاہیئے ۔

یاد رہے ماہرہ خان نے 2017 میں بالی ووڈ کنگ شاہ رخ خان کے ساتھ فلم ’’رئیس‘‘ میں کام کیا تھا، تاہم وہ پاکستانی فنکاروں پر پابندی کی وجہ سے اپنی فلم کی تشہیری مہم میں شریک نہیں ہوسکی تھیں۔

سال 2016 میں اڑی حملے کے بعد بھارت میں پاکستانی فنکاروں کے کام کرنے پر پابندی لگادی گئی تھی، جو آج تک برقرار ہے۔

متعلقہ خبریں