مشہور گائناکولوجسٹ ڈاکٹر فریدون انتقال کرگئے

کراچی کے مشہور گائناکولوجسٹ میں سے ایک ڈاکٹر فریدون سیٹھنا کراچی میں انتقال کر گئے۔

ڈاکٹر فریدون سیٹھنا دی فرٹیلیٹی کلینک میں کلینکل ڈائریکٹر تھے، وہ رائل کالج آف آبسٹیٹریشین اینڈ گائناکالوجسٹ یو کے سے فیلو تھے جبکہ انہوں نے اسکاٹ لینڈ تربیت حاصل کی۔

ڈاکٹر فریدون سیٹھنا نامور ماہر امراض نسواں تھے، وہ کئی سالوں تک کراچی کے لیڈی ڈفرن اسپتال میں میڈیکل سپرنٹنڈنٹ کے طور پر خدمات انجام دیتے رہے، انہیں پاکستان میں اعلیٰ خدمات پر حکومت کی جانب سے ستارۂ امتیاز سے نوازا گیا۔

سابق وزیراعظم اور پیپلزپارٹی کی شہید چیئرمین بے نظیر بھٹو بھی ان سے علاج کرانے والوں میں شامل تھیں۔

انہوں نے 50 سال سے زائد عرصہ گائناکولوجیکل مسائلاور بانجھ پن سے متعلق خدمات انجام دیں۔ وہ پاکستان میں بانجھ پن اور آئی وی ایف کے ذریعے بے اولاد جوڑوں کے علاج کا وسیع تجربہ رکھتے تھے۔

ڈاکٹر فریدون کی آخری رسومات سے متعلق اطلاعات کے بعد اس خبر کو اپ ڈیٹ کردیا جائے گا۔

متعلقہ خبریں