مناسک حج: عازمین آج منیٰ پہنچیں گے

فائل فوٹو

مناسک حج کی ادائیگی کے سلسلے میں عازمین آج خیموں کے شہر منیٰ پہنچیں گے۔

حج کا رکنِ اعظم وقوفِ عرفہ کل بروز پیر 19 جولائی کو ادا کیا جائے گا۔ اس دوران عازمین میدان عرفات میں قیام کریں گے۔ عالمی وبا کرونا وائرس کی وجہ سے صرف 60 ہزار مقامی افراد حج کی سعادت حاصل کررہے ہیں۔

مکہ آمد سے قبل 6 ہزار عازمین پر مشتمل گروپس تشکیل دیئے گئے، جو ہر تین گھنٹے بعد طواف قدوم کیلئے مسجد الحرام روانہ کئے جا رہے ہیں۔

مسجد الحرام کے تمام دروازوں پر 70 سے زیادہ تھرمل کیمرے نصب کیے گئے ہیں۔

واضح رہے کہ سعودی حکومت نے مکہ مکرمہ میں حجاج کرام کیلئے 10 اسپتال اور 82 طبی مراکز صحت قائم کردئیے ہیں۔

تمام اسپتالوں اور طبی مراکز کو کوویڈ-19 کے ایس اوپیز کے مطابق طبی سہولیات کی فراہمی کی جائے گی۔

متعلقہ خبریں