میٹرک، انٹرمیڈیٹ کے سالانہ امتحانات 10جولائی سے شروع ہونگے

Exams

فوٹو: آن لائن

وفاقی تعلیمی بورڈ نے میٹرک اور انٹرمیڈیٹ کے سالانہ امتحانات 10جولائی سے شروع کرنے کا اعلان کر دیا۔

اسلام آباد میں پریس کانفرنس کے دوران چیئرمین بورڈ قیصر عالم نے کہا کہ پہلی بار امتحانات میں ڈیجیٹل اٹينڈنس (حاضری) سسٹم متعارف کرایا جا رہا ہے۔

چیئرمین بورڈ نے بتایا کہ طالب علم کی غیر حاضری کی صورت میں والدین کو ایس ایم ایس الرٹ بھیجا جائے گا۔

انہوں نے کہا کہ اب کوئی پیپر گُم ہوگا اور نہ ہی نتائج کے لیے 90 دن تک انتظار کرنا پڑے گا۔ ایک ماہ میں نتائج جاری کرنے کی پوزیشن میں ہوں گے۔

دسویں، بارہویں جماعت کےامتحانات جون میں ہونگے، شفقت محمود

چیئرمین بورڈ کے مطابق پیپرز کی بھی ای مارکنگ ہوگی اور پیپرز گھر میں مارک کرنے کا معاملہ بھی ختم ہوگا۔

واضح رہے کہ ملک میں کرونا کیسز کی شرح میں کمی کے بعد خیبر پختونخوا، پنجاب اور بلوچستان میں کوئٹہ کے علاوہ تمام شہروں میں تعلیمی ادارے کھل گئے ہیں جبکہ سندھ میں نویں جماعت سے انٹر اور یونیورسٹی تک کی کلاسز شروع ہوگئی ہیں۔

گزشتہ 24گھنٹوں کے دوران ملک میں کرونا وائرس سے مزید 76 افراد انتقال کرگئے جبکہ مجموعی اموات 21 ہزار 529 ہوگئيں۔ کرونا کيسز کی شرح دو روز بعد پھر 3فيصد سے اوپر چلی گئی، این سی او سی نے پابندیاں بھی نرم کر دیں۔

متعلقہ خبریں