وزیر اعظم کے بیان پر صنم سعید کا ردعمل

وزیر اعظم کے عورتوں کے مختصر لباس کے حوالے سے دیئے گئے بیان پر اداکارہ صنم سعید نے بھی سوال اٹھا دیا۔

صنم سعید نے اپنی ٹوئٹ میں شیریں مزاری کا مخاطب کرتے ہوئے کہا کہ وہ عمران خان کے لیے ایک فہرست بنائیں جس میں مردوں، خواتین اور بچوں سے روزانہ بدفعلی کے واقعات کا تذکرہ ہو، فہرست میں یہ بات بھی واضح کی جائے کہ درندگی کا شکار بننے والوں نے کس قسم کا لباس پہن رکھا تھا۔

صنم سعید نے افسوس کا اظہار کرتے ہوئے کہا کہ ایسے اشتعال انگیز اور پریشان کُن بیانات دوبارہ کبھی نہیں پیش کیے جانے چاہئیں۔

اس سے قبل اُشنا شاہ، صحیفہ جبار خٹک، عثمان خالد بٹ سمیت دیگر وزیر اعظم کے بیان پر ردعمل دے چکے ہیں ۔

متعلقہ خبریں