پہلا ایلیمنیٹر: کراچی کنگز کا زلمی کو جیت کے لیے 176 رنز کا ہدف

پاکستان سپر لیگ کے چھٹے ایڈیشن کے پہلے ایلیمنیٹر میں پشاور زلمی اور دفاعی چیمپیئن کراچی کنگز کا میچ ابوظبی میں جاری ہے۔
کراچی کنگز نے پشاور زلمی کو 176 رنز کا ہدف دیا ہے۔ پشاور زلمے نے بارہ اوور میں تین وکٹوں پر 104 رنز بنائے ہیں۔
قبل ازیں پشاور زلمی نے ٹاس جیت کر کراچی کنگز کو پہلے بیٹنگ کی دعوت دی۔
کراچی کنگز نے پہلے کھیلتے ہوئے مقررہ 20 اوورز میں 175 رنز بنائے۔ کنگز کی جانب سے بابر اعظم نے 53 رنز کی اننگز کھیلی۔
مزید پڑھیں
تھیسارا پریرا 37 رنز کے ساتھ دوسرے ٹاپ سکورر رہے۔ 
کنگز کی جانب سے اننگز کا آغاز شرجیل خان اور بابر اعظم نے کیا۔
شرجیل خان 26 رنز بنا کر محمد عرفان کی گیند پر ایل بی ڈبلیو آؤٹ ہوئے۔  مارٹن گپٹل بغیر کوئی رن بنائے عمید آصف کا شکار بنے۔
دانش عزیز نے 13 رنز بنا کر محمد عرفان کی گیند پر آؤٹ ہوئے۔
بابر اعظم 53 رنز بناکر وہاب ریاض کی گیند پر آؤٹ ہوگئے۔ 

مارٹن گپٹل بغیر کوئی رن بنائے عمید آصف کا شکار بنے۔ (فوٹو: پی ایس ایل ٹوئٹر)
تھیسارا پریرا  37 رنز بنا کر عمید آصف کا شکار بنے۔  چاڈوک والٹن کو نو رنز کے انفرادی سکور پر وہاب ریاض نے پویلین واپس بھیج دیا۔
عماد وسیم 16 رنز بنا کر محمد عمران کا شکار بنے۔
خیال رہے آج کے میچ میں شکست کھانے والی ٹیم ٹورنامنٹ سے باہر ہو جائے گی جبکہ فاتح ٹیم کا فائنل میں جگہ بنانے کے لیے کل اسلام آباد یونائیٹڈ سے مقابلہ ہو گا۔

میچ کے لیے دونوں ٹیمیں ان کھلاڑیوں پر مشتمل ہیں۔

کراچی کنگز: عماد وسیم(کپتان)، بابراعظم، شرجیل خان، مارٹن گپٹل، شیڈوک والٹن، تھسارا پریرا، عماد وسیم، دانش عزیز، نور احمد، محمد عامر، محمد الیاس، ارشد اقبال۔

پشاور زلمی: وہاب ریاض(کپتان)، کامران اکمل، حضرت اللہ زازئی، امام الحق، صہیب مقصود، روومین پاول، شرفین ردرفورڈ، خالد عثمان، عمید آصف، محمد عرفان، محمد عمران