پی آئی اے کی ائیر سفاری سروس بحال کردی گئی

پی آئی اے کی پہلی سدپارہ ائیرسفاری پرواز اسلام آباد سے اسکردو روانہ ہوگئی۔ پرواز میں 13 مختلف ممالک سے تعلق رکھنے والے 91 مسافر سوار تھے۔

پی آئی اے کی پہلی ائیر سفاری پرواز میں غیر ملکی سیاحوں کی بڑی تعداد شامل ہے جنھوں نے پاکستان کے پہاڑی سلسلے کو دیکھنے کے لیے انتہائی جوش و خروش کا اظہار کیا۔

وزیر توانائی حماد اظہر بھی اس پرواز کے مسافروں میں شامل ہیں جو خصوصی طور پر سیاحت کے لیے اس سفر پر روانہ ہوئے۔ ائیر سفاری پرواز کے ٹو،نانگا پربت،براڈ پیک اور دنیا کے بلند ترین گلیشئیرز کی سیاحت کرائے گی۔

آپریشنل مسائل کی وجہ سے یہ سروس 2 سال بند رہی تھی۔ اس پرواز کا یک طرفہ کرایہ 25 ہزار روپے مقرر کیا گیا ہے اور یہ پرواز ہر ہفتے کو اسلام آباد سے چلا کرے گی۔

متعلقہ خبریں