فوٹو: پی سی بی
پاکستان کرکٹ بورڈ (پی سی بی) کو ایچ بی ایل پی ایس ایل6 کے بقیہ میچز ابوظہبی میں کروانے کی مکمل منظوری مل گئی۔
پریس ریلیز کے مطابق پی سی بی اور تمام فرنچائز مالکان کے درمیان آن لائن اجلاس کے بعد ایونٹ کے انعقاد سے متعلق انتظامات کو حتمی شکل دی جائے گی۔
فریقین کے درمیان آن لائن اجلاس آج دوپہر کو ہوگا جس کی تفیصلات مناسب وقت پر جاری کر دی جائیں گی۔
BIG NEWS FOR FANS: PCB has secured all pending approvals from the UAE government, the remaining #HBLPSL6 matches are now good to go in Abu Dhabi! pic.twitter.com/ErPOkYrmKB
— Pakistan Cricket (@TheRealPCB) May 20, 2021
چیف ایگزیکٹو پی سی بی وسیم خان کا کہنا ہے کہ ابوظہبی میں ایونٹ کے انعقاد کے سلسلے میں حائل تمام رکاوٹیں ختم ہوگئی ہیں اور ہم اب ایونٹ کے انعقاد کے لیے مکمل طور پر تیار ہیں۔
وسیم خان کا کہنا تھا کہ ہم متحدہ عرب امارات کی حکومت، ان کی نیشنل ایمرجنسی کرائسز اینڈ ڈیزاسٹر منیجمنٹ اتھارٹی، ایمریٹس کرکٹ بورڈ اور ابوظہبی اسپورٹس کونسل کے مشکور ہیں۔
پی ایس ایل6 کے بقیہ میچز یواےای منتقل، رپورٹ
چیف ایگزیکٹو پی سی بی کے مطابق جون میں ایونٹ کے انعقاد کو یقینی بنانے کے لیے عید الفطر کی تعطیلات کے باوجود سخت محنت کرنے پر پی سی بی اسٹاف کا مشکور ہوں۔
واضح رہے کہ پی ایس ایل6 پاکستان میں جاری تھا کہ مارچ میں کرونا وباء میں اضافے کے سبب ایونٹ کے بقیہ میچز غیر معنیہ مدت کے لیے ملتوی کر دیے گئے تھے۔ سات کھلاڑیوں اور اسٹاف ممبرز کے کرونا ٹیسٹ مثبت بھی آئے تھے۔
پی سی بی نے اس سے قبل اعلان کیا تھا کہ ایونٹ کے بقیہ میچز یکم جون سے 20جون تک کراچی میں کھیلے جائیں گے۔
متعلقہ خبریں