کراچی: معمر جوڑے کا قاتل گرفتار

Karachi Police

فائل فوٹو

کراچی میں 17 فروری کو معمر جوڑے کو قتل کرنے والے ملزم کو گرفتار کرلیا گیا ہے۔

کراچی کے علاقے نیو کراچی سیکٹر الیون ایل میں 17 فروری کو قتل کیے گئے معمر جوڑے کے قاتل کو گرفتار کرلیا گیا ہے۔

پولیس کے مطابق قاتل نے میاں بیوی کو پیسوں کے لالچ میں قتل کیا۔ ملزم نے دونوں میاں بیوی کو 17فروری کی شام قتل کیا تھا۔ کاروبار میں نقصان پر ملزم رفیع پیسے ادا نہیں کر رہا تھا۔

مقتول جمیل نے ملزم رفیع کو 14 لاکھ روپے سود سمیت قرض دیا تھا، جب کہ مقتول کی جانب سے بار بار پیسوں کی واپسی کا بھی تقاضا کیا جا رہا تھا۔ ملزم نے دونوں کو ہتھوڑے کے وار سے قتل کیا۔ پولیس کا مزید کہنا تھا کہ ملزم نے الہٰ قتل فلیٹ کے نالے میں پھینک دیا تھا۔

مقتول کے بیٹے کے مطابق لوگ قرض کیلئے والد کے پاس چیزیں گروی رکھوا کر پیسے ادھار لیا کرتے تھے۔ قتل کے بعد ملزم موبائل فونز اور حساب کتاب کی ڈائری بھی ساتھ لے گیا تھا۔

متعلقہ خبریں