کروناوائرس: ٹی20ورلڈکپ یواےای منتقل کرنےپر غور

کروناوائرس کی موجودہ صورتحال کےباعث منتقل کرنےکاامکان

کرکٹ بورڈ نے ٹی20 ورلڈ کپ متحدہ عرب امارات (یو اے ای) میں کرانے کے پلان پرغور شروع کردیا۔

بھارتی میڈیا رپورٹس کے مطابق بی سی سی آئی کے جنرل منیجر گیم ڈویلپمنٹ دھیرج ملہوترا کا کہنا ہے کہ ایونٹ کے بھارت میں انعقاد کیلیے ہر ممکن کوشش کررہے ہیں۔ حال ہی میں ٹورنامنٹ کے ڈائریکٹرز میں شامل ہوا ہوں، سب کی ترجیح یہی ہے کہ میچز کی بھارت میں میزبانی کریں۔

دھیرج ملہوترا نے کہا کہ آئی سی سی کیساتھ بات چیت میں ایونٹ کے بھارت میں انعقاد کیساتھ بدترین صورتحال سمیت تمام آپشنز پر غور کیا جارہا ہے۔

ایک سوال پر ملہوترا نے کہا کہ اگر ورلڈ کپ کو بھارت سے منتقل کرنے کا فیصلہ کیا گیا تو مقابلوں کا یو ای اے میں انعقاد ہوگا۔

واضح رہے کہ بھارت میں کرونا وائرس کی صورتحال کےباعث آئی سی سی ٹی20 ورلڈکپ یو اے ای منتقل کرنے کے قوی امکانات ہیں۔

متعلقہ خبریں