کنٹرولرامتحانات ملاکنڈبورڈعہدےسے فارغ

ویڈیو سے لیا گیا عکس

مالا کنڈ بورڈ کے تحت ہونے والے امتحانات میں نقل کی شکایات پر کنٹرولر امتحانات کو عہدے سے ہٹا دیا گیا ہے۔

واضح رہے کہ کچھ روز قبل سوشل میڈیا پر کنٹرول امتحانات کے بیٹے کی ویڈیو وائرل ہوئی تھی جس میں دیکھا جا سکتا ہے کہ بچہ الگ کمرے میں کتاب کے ہمراہ بیٹھ کر امتحان دے رہا ہے۔

واقعہ منظر عام پر آنے کے بعد وزیر تعلیم خیبر پختونخوا اور وزیر اعلیٰ کی جانب سے نوٹس لیتے ہوئے کنٹرولر امتحانات کے خلاف محکمانہ کارروائی کا حکم دیا گیا تھا۔

کنٹرولر امتحانات کو عہدے سے فارغ کرنے کے بعد سیکریٹری ملاکنڈ بورڈ کو کنٹرولر امتحانات کا اضافی چارج دے دیا گیا ہے، جب کہ کنٹرولر کی خدمات واپس محکمہ تعلیم کے حوالے کردی گئی ہیں۔

واقعہ سے متعلق شہرام ترکئی کا کہنا تھا کہ متعلقہ سپریڈینڈنٹ کو ڈیوٹی سے الگ کرکے مزید تحقیقات جاری ہیں۔