کوئٹہ میں بلوچستان کا پہلا ویمن پولیس اسٹیشن قائم

Quetta police station

خواتین اور بچوں کے مسائل کے حل اور انہیں انصاف فراہم کرنے کے لیے کوئٹہ میں بلوچستان کا پہلا ویمن پولیس اسٹیشن قائم کر دیا گیا۔

تھانے میں نہ صرف کوئٹہ بلکہ بلوچستان بھر کی خواتین کی شکایات اور مسائل کا دوستانہ ماحول میں ازالہ کیا جا سکے گا۔ تھانے میں خاتون ایس ایچ او سمیت 19 تعلیم یافتہ خواتین اہلکار تعینات کی گئی ہیں۔

لیڈی ایس ایچ او زرغونہ ترین کہتی ہیں کہ بلوچستان میں قبائلی معاشرہ ہونے کی وجہ سے اکثر خواتین تھانے جانے سے اجتناب کرتی ہیں لیکن ویمن پولیس اسٹیشن کے قیام سے اب وہ خواتین بھی آسانی کے ساتھ اپنی شکایات لے کر آسکتی ہیں۔

پولیس اسٹیشن میں گھریلو ناچاقی اور دوسرے تنازعات کے علاوہ خواتین کو ڈرائیونگ لائسنس اور کریکٹر سرٹیفیکیٹ سمیت دیگر سہولیات بھی فراہم کی جا رہی ہیں۔

لیڈی پولیس افسر کے مطابق بلوچستان کے پہلے پولیس اسٹیشن کے قائم ہونے کے بعد خواتین کا پولیس پر اعتماد بڑھے گا۔

متعلقہ خبریں