نیشنل سٹیڈیم کراچی میں پاکستان سپر لیگ سیزن چھ کا آٹھواں میچ آج پشاور زلمی اور کوئٹہ گلیڈی ایٹرز کے درمی1ن کھیلا جا رہا ہے۔۔
199 رنز کے تعاقب میں اب سے کچھ دیر پہلے تک پشاور زلمی نے 18.5 اوورز میں پانچ وکٹوں کے نقصان پر 192رنز بنائے ہیں۔
مزید پڑھیں
اس وقت کریز پر وہاب ریاض اور ردر فورڈ موجود ہیں۔
شعیب ملک 34 رنز بنا کر کٹنگ کی گیند پر ایل بی ڈبلیو آؤٹ ہوئے۔ زلمی کے حیدر علی 29 گیندوں پر شاندار نصف سینچری بنا کر ڈیل سٹین کی گیند پرکیچ آؤٹ ہوئے۔
پشاور زلمی نے اپنی اننگز کا آغاز کیا تو کامران اکمل صرف تین رنز بنا کر عثمان شنواری کی گیند پر آؤٹ ہو گئے۔
ٹام کیڈمور بھی چار رنز ہی بنا پائے کہ انہیں ڈیل سٹین نے آؤٹ کر دیا۔
کیمرون ڈیلپورٹ صرف دو رنز بنا کر محمد عمران کی گیند پر آؤٹ ہو گئے۔ (فوٹو: اے ایف پی)
اس سے قبل کوئٹہ گلیڈی ایٹرز نے سرفراز احمد اور اعظم خان کی شاندار بیٹنگ کی بدولت 20 اوورز میں سات وکٹوں کے تقصان پر 198 رنز بنائے۔
کوئٹہ گلیڈی ایٹرز نے اپنی اننگز کا آغاز کیا تو اوپنر کیمرون ڈیلپورٹ صرف دو رنز بنا کر محمد عمران کی گیند پر آؤٹ ہو گئے۔
صائم ایوب نے فاف ڈو پلیسی کے ساتھ مل کر سکور میں کچھ اضافہ کیا تاہم وہ 21 رنز بنا کر رن آؤٹ ہو گئے۔
اس کے بعد فاف ڈو پلیسی اور سرفراز احمد کے درمیان 40 رنز کی شراکت داری بنی، جس کے بعد فاف ڈو پلیسی 37 رنز بنا کر وہاب ریاض کی گیند پر کیچ آؤٹ ہو گئے۔
جس کے بعد سرفراز احمد نے اور اعظم خان کے درمیان چوتھی وکٹ کے لیے 105 رنز کی پارٹنرشپ بنی۔ سرفراز احمد نے شاندار بلے بازی کرتے ہوئے 31 گیندوں پر اپنے 50 رنز مکمل کیے۔ وہ 81 رنز بنا کر وہاب ریاض کی گیند پر آؤٹ ہوئے۔
اعظم خان بدقسمتی سے اپنی نصف سینچری مکمل نہ کر سکے اور 20ویں اوور میں 47 رنز بنا کر ثاقب محمود کی گیند پر کیچ آؤٹ ہو گئے۔
خیال رہے پشاور زلمی نے ٹاس جیت کر پہلے بولنگ کا فیصلہ کیا تھا۔
سرفراز احمد نے اور اعظم خان کے درمیان چوتھی وکٹ کے لیے 105 رنز کی پارٹنرشپ بنی. (فوٹو: پاکستان سپر لیگ)